ZAKSAKNA - 1na
Sanggamnu Piang Ngaih Don, 24, vai tawh kisai hih bangin kong zasak uh hi.
1. A sih a kizak phet in Zomi makaite in thukicianzaw thei nuam in kumpi zum ah kan kawikawi uh a, a si takpi mah hi cih va mukhia uh hi. Ahi zongin a vai bangmah theih beh tuanlo uh hi.
2. Singapore kumpi leh Kawlgam Embassy in hivai kihona nei uh a, a luang a innkuanpihte lunggulhna bangin innphual dong puak dingin thukim uh hi.
3. Vai pawlkhat leh a luangman vai ama pianpih sanggamte tektek om kul ahih manin a sanggamte hong pai mateng a luang kipuakhiasak lo ding hi.
4. A sihna vai pen a kithat mah hi ciin palikte in gen uh hi. Ahang pen a ngawng ah maliam om a, a pum tung - a diakin a khut a khe dup kawikawi hi. Gawng mahmah ahih manin an kigina vaklo ciin palikte in mu uh hi. A neihsa khempeuh pen numei sungsilh leh sungten khat leh nih bek hi ci uh hi. A lupna ah lukham nangawn neilo hi.
5. Tuni in Zomi makaiteng leh Embassy a thuneite kimuhkhopna nei uh hi. Tua sungah -
(1). A upa hong tun mateng a luang kilakhia lo ding
(2). Ngah dinga kilawm sum leh pai khempeuh a upa khutsungah kipia ding hi.
(3). A upa hong pai theihna ding vai khempeuh Embassy in a manlangin hong vaihawmsak ding hi.
6. Sanggamnu omna inntekte nuta pen tulaitak palikten kem a kuamah tawh kiho theilo, pusuak saklo uh hi. Inntekpa zong palik khat a hih hangin a ngeina bangmah in thukhenna thuak ding hi ci uh hi (ama innsung ah thupiang a pulak loh manin).
A kisam bangin a hunhun in hong kizasak toto ding hi.
Zomi Khempeuh
Singapore
29 July 2016
By Dr Hau Za Cin Suante
Sanggamnu Piang Ngaih Don, 24, vai tawh kisai hih bangin kong zasak uh hi.
1. A sih a kizak phet in Zomi makaite in thukicianzaw thei nuam in kumpi zum ah kan kawikawi uh a, a si takpi mah hi cih va mukhia uh hi. Ahi zongin a vai bangmah theih beh tuanlo uh hi.
2. Singapore kumpi leh Kawlgam Embassy in hivai kihona nei uh a, a luang a innkuanpihte lunggulhna bangin innphual dong puak dingin thukim uh hi.
3. Vai pawlkhat leh a luangman vai ama pianpih sanggamte tektek om kul ahih manin a sanggamte hong pai mateng a luang kipuakhiasak lo ding hi.
4. A sihna vai pen a kithat mah hi ciin palikte in gen uh hi. Ahang pen a ngawng ah maliam om a, a pum tung - a diakin a khut a khe dup kawikawi hi. Gawng mahmah ahih manin an kigina vaklo ciin palikte in mu uh hi. A neihsa khempeuh pen numei sungsilh leh sungten khat leh nih bek hi ci uh hi. A lupna ah lukham nangawn neilo hi.
5. Tuni in Zomi makaiteng leh Embassy a thuneite kimuhkhopna nei uh hi. Tua sungah -
(1). A upa hong tun mateng a luang kilakhia lo ding
(2). Ngah dinga kilawm sum leh pai khempeuh a upa khutsungah kipia ding hi.
(3). A upa hong pai theihna ding vai khempeuh Embassy in a manlangin hong vaihawmsak ding hi.
6. Sanggamnu omna inntekte nuta pen tulaitak palikten kem a kuamah tawh kiho theilo, pusuak saklo uh hi. Inntekpa zong palik khat a hih hangin a ngeina bangmah in thukhenna thuak ding hi ci uh hi (ama innsung ah thupiang a pulak loh manin).
A kisam bangin a hunhun in hong kizasak toto ding hi.
Zomi Khempeuh
Singapore
29 July 2016
By Dr Hau Za Cin Suante
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.