Gamdang mi bek hi lo, lengla a ih neih theih zel namdangte naleng ih Zola tawh na muakin ih Zola te na theihsak zo lehang cih kawmkaal ah Zomi vive hinapi Kawlla, Mizo la leh Mangla bek sa nuam a, biakinn sung leh pawi thupite ah namdangte la peuh ih sak giapgiap ngam mawk pen a diklohna ciang khat om leh kilawmsa pong ingh e!
Park Jae-sang (South Korean) in amau la ahi "Gangnam Style" tawh leitungbup na khanglo sak a, Bob Merly inzong amau Jamaican Music tawh leitungbup na zo mang khin in, Shakira leh Jennifer Lopez te'n zong amau Music tawh a ngeina uh ahi "Latino" luanzia khat pen leitungah na kizeel sak zo khin uh hi. Namdangte la sa kei ni a kici bel hi het kei naven, ahizongin a hoih bek ih theih kei leh bangzah takin namdangte la sak ih siam zenzen hangin (adiak in Mangla, Kawlla) ei sangin a siam zaw tam lua mahmah lel uh hi. Koimah ah dawk khia zo taktak tuan lo ding hihang. Ih siam pen lezong "Siam vial veh e" cih ciang bek tawh hong kipahtawi dinga, ih nunglam panin "Amau la sa lel leh hoihzaw mah ding hiven" hong kicihsan ziau lel lai ding hi cih zong mangngilh kei ni. Mangkang zin na neih manin Mangla sak pah ding hi tuan lo hi! Zomi 100 omna ah Kawlte khat leh nih a om man un Kawlla sak pah ding hi tuan lo a, Kawlpau a thugen pah zong kisam se lo hi. Chief Guests liang a hihkei vua leh!!!!!
Zomi ih hileh Zola mah khangto sak in, leitungbup in zaaknop a sak theih dingin puah in zuun toto ni cihnopna hizaw e. Namdangte la ih uk luat manin ih Zola tuantual tuam mahmah a, tuta ih bat leh nikhat ni ciangin khangthak Zomi te'n ih Zola hong sa ngam nawn lo kha thei mai tak maw!
By Francis Lamthang (Zomi Quavadis)
Park Jae-sang (South Korean) in amau la ahi "Gangnam Style" tawh leitungbup na khanglo sak a, Bob Merly inzong amau Jamaican Music tawh leitungbup na zo mang khin in, Shakira leh Jennifer Lopez te'n zong amau Music tawh a ngeina uh ahi "Latino" luanzia khat pen leitungah na kizeel sak zo khin uh hi. Namdangte la sa kei ni a kici bel hi het kei naven, ahizongin a hoih bek ih theih kei leh bangzah takin namdangte la sak ih siam zenzen hangin (adiak in Mangla, Kawlla) ei sangin a siam zaw tam lua mahmah lel uh hi. Koimah ah dawk khia zo taktak tuan lo ding hihang. Ih siam pen lezong "Siam vial veh e" cih ciang bek tawh hong kipahtawi dinga, ih nunglam panin "Amau la sa lel leh hoihzaw mah ding hiven" hong kicihsan ziau lel lai ding hi cih zong mangngilh kei ni. Mangkang zin na neih manin Mangla sak pah ding hi tuan lo hi! Zomi 100 omna ah Kawlte khat leh nih a om man un Kawlla sak pah ding hi tuan lo a, Kawlpau a thugen pah zong kisam se lo hi. Chief Guests liang a hihkei vua leh!!!!!
Zomi ih hileh Zola mah khangto sak in, leitungbup in zaaknop a sak theih dingin puah in zuun toto ni cihnopna hizaw e. Namdangte la ih uk luat manin ih Zola tuantual tuam mahmah a, tuta ih bat leh nikhat ni ciangin khangthak Zomi te'n ih Zola hong sa ngam nawn lo kha thei mai tak maw!
By Francis Lamthang (Zomi Quavadis)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.