CHINA KUMPI IN TECHIE KHAT THAHNA DINGIN DAN PIA
April 20, 2016: China gam sunga om Sichuan khua a computer technician Huang Yu in kumpi thusim lai poimawh (classified documents) 150,000 val gamdang tungah a piaksim manin thah dingin thukhenna dan kipia hi. Huang Yu pen Chinese government department ah state secret lamsang tawh kisai nasem hi a, a nasepna ah thuman lo hi ci'n kitawpsak a, a thusim pen kuate tungah a piak hiam cih kigenkhia lo hi. A nasepna panin a kitawpsak manin thangpai lua ahih manin Internet panin “foreign spy organisation” message khak a, ka sepna lui panin thusim na lei nuam uh leh zuak nuam ing ci'n zasak hi.
Tua khit a sawt loin Huang Yu in a kithuzakpihte Southeast Asia leh Hong Kong ah kimuhpih a, state secrets tuamtuam , Communist Party, galkapte leh sum vai lamsang buaina (financial issues) 1500 val zuak a, tua teng tawh lungkim zo loin government department a sem a zi leh a makpa' tung panin zong thusim guksak sawm lai hi ci'n Chinese state television in gen hi.
Tua khitin thusim guk ding zongin a zin kawikawina lamah sum tampi pua in kiman a, a sum ngahna mun kician gen thei lo ahih manin 2011 in kiman a, thah dingin thukhenna kipia hi. State telivision report in bel kithat khin ta hiam, cik ciangin kithat ding hiam cih gen lo a, koi munah thusitna kinei a, kimawhsak hiam cih zong gen tuan lo hi.
— Reuters
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.