AL-NUSRA TEN 'CANNIBAL' A CIHPA UH KITHAT TA
April 10, 2016: May of 2013 in al-Nusra Front ngontat Khaled al-Hamad (Abu Sakkar zong a kici) in Syria galkap kithat khat a lungtang at khia in ne a, "Bashar al-Assad galkapte aw, na lungtang uh at khiat in ne ding hi'ng ci'n Allah pasian min tawh ka kiciam hi. Baba Amr' galkap hangsan ten na lungtang uh at khia in, na lungtang uh ne ding hi," ci'n Syria galkappa lungtang a pet lai video online in suaksak hi.
Hih sa sial ne (cannibal) Khaled al-Hamad (Abu Sakkar) pen al-Qaeda tawh a kipawl al-Nusra Front kicite commander hi a, zan halin amau hatna kiim a gamtang Takfiri extremists (gamnuaimi) ten that uh hi ci'n Syrian Observatory for Human Rights (SOHR).
in pulak hi. SOHR in a Abu Sakkar kithahna in al-Nusra leh Takfiri extremists kicite kihuatna leh gam kituhna khangsak hi cih hong kilangsak hi ci'n gen hi.
Syria buaina tawh kisai kilemna thugenna (Peace Talks) zing ciangin Geneva (Switzerland) ah kinei kik ding a, Parliamentary election pen April 14 ciangin kinei ding hi ci'n Russian Deputy Foreign Minister Mikhail Bogdanov in gen hi. Al-Nusra Front leh a kipawlpih ten Aleppo sung lak ding nasia takin hanciam uh a, Bshantara panin galdo dingin mi 90 Ashraf ah tun' beh uh hi ci'n reconciliation center hotline panin thu kiza hi ci'n gen beh hi.
-Sputnik
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.