"……Tuni-in Paradais-ah kei tawh na omkhawm ding hi," a ci hi. (Luka 23:43)
Hih munah Jesu tawh a kikhai khawm migilo nihte i mu thei hi. Khat pa in simmawh in zahko a, a khatpa in ahih leh Jesu pen mawhna khat zong a neilo, Pasian Tapa taktak ahih lam tel ahih manin, Jesu kiangah, "Kumpi in nong pai ciang kei hong phawk in," ci pah lian a Jesu in zong hipa' kisikna leh amah umin sang ahihna tel ahih manin, "Tuni-in Paradais-ah kei tawh na omkhawm ding hi," ci'-in na dawngkik pah hi.
Tua mah bangin hih leitunga om mi khempeuh mawhnei vive ihi-a, tua mawhnei khempeuhte' sung panin, "Jesu umin a sang mi leh Jesu nial-in a um lo mi," hih mi nam nih bek om hi. Leitung mihing' muhna-ah mi nam tampi om kha ding hi. Biakna tuamtuam zong tampi om kha ding hi. Tuni-in Pasian' muhna-ah mi nam nih bek om hi. Ama ta(Jesu anei mi) leh Satan ta( Jesu a neilo mi) hi te nih bek ahi hi. I nuntakna sungah a thupipen leh a lunghimawh huai masa pen in, kei-in Pasian maw, Satan ta cih ki telcianna ahi hi. Pasian' ta i hih lam i kitelna pen nuntak tawntungna i ngah lamtak kitelna hi-a, Jesu uplohna pen Satan ta hihna ahih manin, Satan tate' adingin leitung gimthuakna nungah tawntung sihna hell bek om lai hi.
Tuni-in Jesu in, Satan' ta panin Pasian' ta i suah theih nadingin ama nuntakna mahmah kipiakhiatna tawh sihna hong thuak a, tua pen amah a um mi khempeuh in kisia lo a, nuntak tawntungna i ngah nading ahi hi. Mawhneih dan kibang veve Jesu a um leh a um lo hong ki lamdang dinga, Lungdamna thu a za veve nial maw, sang cih tawh i tawntung mun ding thu hong kikhen ding hi.
Na mawhna kitel a, kisikkikna tawh Topa' kiang na zuat nak leh Jesu pen, "Paradais-ah kei tawh na omkhawm ding hi," hong ci dingin a baihsa-in om den hi. Jesu tawh Paradais-ah a om khawm dingin mimal kim tungah Topa'n thupha hong pia ta hen. Amen.
Khazih sungah, David Tuang
Hih munah Jesu tawh a kikhai khawm migilo nihte i mu thei hi. Khat pa in simmawh in zahko a, a khatpa in ahih leh Jesu pen mawhna khat zong a neilo, Pasian Tapa taktak ahih lam tel ahih manin, Jesu kiangah, "Kumpi in nong pai ciang kei hong phawk in," ci pah lian a Jesu in zong hipa' kisikna leh amah umin sang ahihna tel ahih manin, "Tuni-in Paradais-ah kei tawh na omkhawm ding hi," ci'-in na dawngkik pah hi.
Tua mah bangin hih leitunga om mi khempeuh mawhnei vive ihi-a, tua mawhnei khempeuhte' sung panin, "Jesu umin a sang mi leh Jesu nial-in a um lo mi," hih mi nam nih bek om hi. Leitung mihing' muhna-ah mi nam tampi om kha ding hi. Biakna tuamtuam zong tampi om kha ding hi. Tuni-in Pasian' muhna-ah mi nam nih bek om hi. Ama ta(Jesu anei mi) leh Satan ta( Jesu a neilo mi) hi te nih bek ahi hi. I nuntakna sungah a thupipen leh a lunghimawh huai masa pen in, kei-in Pasian maw, Satan ta cih ki telcianna ahi hi. Pasian' ta i hih lam i kitelna pen nuntak tawntungna i ngah lamtak kitelna hi-a, Jesu uplohna pen Satan ta hihna ahih manin, Satan tate' adingin leitung gimthuakna nungah tawntung sihna hell bek om lai hi.
Tuni-in Jesu in, Satan' ta panin Pasian' ta i suah theih nadingin ama nuntakna mahmah kipiakhiatna tawh sihna hong thuak a, tua pen amah a um mi khempeuh in kisia lo a, nuntak tawntungna i ngah nading ahi hi. Mawhneih dan kibang veve Jesu a um leh a um lo hong ki lamdang dinga, Lungdamna thu a za veve nial maw, sang cih tawh i tawntung mun ding thu hong kikhen ding hi.
Na mawhna kitel a, kisikkikna tawh Topa' kiang na zuat nak leh Jesu pen, "Paradais-ah kei tawh na omkhawm ding hi," hong ci dingin a baihsa-in om den hi. Jesu tawh Paradais-ah a om khawm dingin mimal kim tungah Topa'n thupha hong pia ta hen. Amen.
Khazih sungah, David Tuang
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.